وصفة الخبز الحجري العراقي -خبز الصمون العراقي

   
عوامل تساعد على نجاح هذا الخبز:
لازم العجينة تاخذ وقت كافي حتى ترتاح وتختمر.. باول مرحلة نص ساعة حتى يزيد حجم العجين ، ثاني مرحلة ربع ساعة ثالث مرحلة نص ساعة.. ساعة الا ربع بس اني خليته نص ساع
عملية دك او رق العجينة :يجب انه ندكها بكف اصابعنا وما نبالغ بدكها كما بالفيديو الموجود بحسابي ع الانستغرام
درجة حرارة الفرن :درجة الحرارة مهمة جدا لنجاح هذا الخبز يجب ان نحمي الفرن قبل ب ربع ساعة من مرحلة الخبز اني فرني اخذ تقريبا ثلث ساعه حتى وصلت لدجة الحرارة العليا بي
صينية او حجر الخبز :يجب ان تكون ساخنة يعني من نشعل الفرن نخليها بي حتى تضل سخنة
مكان وضع صينية او حجر الخبز : *اذا جان الفرن يشتعل من الأعلى ومن الأسفل سوية اخلي الصينية ع الشبك الاوسط واحمي الفرن على أعلى درجة حرارة وهذا افضل فرن لنوعية هذا الخبز او طبعا فرن التنور افضل وافضل . **واذا جان بس يشتغل من الاعلى او الاسفل نشعل النار من الاعلى ونضع الصينية ع ثاني رف من الأعلى
الكمية وتوزيع الحرارة : خاصة فرن الغاز بالنسبة للفرن اللي عندي حسيته ميوزع حرارة ع كل العجينة اللي عندي فاني شسويت جنت ادخل بالصينية من حبتين الى ثلاث حبات حتى ينتفخ وياي ويتحمر افضل
اتمنى تكون فادتكم هاي المعلومات وتطبقون الوصفة وتتبعون الخطوات وكل التعليمات حتى ينجح وياكم ١٠٠٪ وما تتغلبون بي بالبداية مثلي.

نيجي للطريقة :
في كلاص(كوب) او صحن مجور اخلي بي السكر والخميرة ونص كوب ماء دافئ اخلطهم جيدا حتى تذوب الخميرة واضع الصحن بمكان دافئ لمدة  دقائق او أكثر حسب نوع الخميرة لتختمر ويزيد حجمها  وتشكل رغوة.
ننخل الطحين ونضيف اليه الملح
عندما تختمر الخميرة نضيفها للطحين.
نخلطهم سوية بملعقة الخشب
نضيف الماء تدريجيا الى أن تتماسك العجينة وتصبح مطاطية .. اذا جانت لينة كولش ما راح تضبط وياج عند عملية الفستقة فانتبهي انها تكون متماسكة قليلا  (عادي اذا جانت تلزك وياج شوية  ) عادي اذا كانت العجينة تلتصق معاكي لميها بشوية زيت نباتي وكوريها وضعيها بوعاء ..غطيها بنايلون وخاولي او بشكر قطعة قماش وضعيها بمكان دافئ حتى تختمر ويتضاعف حجمها  لمدة نصف ساعة
عندما تختمر العجينة نخرجها من الوعاء ونشكلها ع شكل اسطوانه ونقسمها بقطاعة العجينة او السكينة الي شرائح سميكة نوعا ما تقريبا 11 قطعة اذا تريدين الخبز صغير مو كولش كبير او من 6-8 قطع اذا تريدينه جبير (كبير)
نجيب قطعة قماش او خاولي أو بشكير  نرش عليه طحين ونوزعه عليه
نبدأ بعملية الفستقة بهاي الخطوة (لا ترشي طحين ع مكان العجن او مكان وضع العجين )..فستقة العجينة (نشكل ايدينا مثل الطير ونضع ع كف يدنا واصابعنا شوية طحين ونبدا بلف العجين ع شكل صمونة ... او اذا تريدون تكدرون تخلوها ع شكل كرة وتكون الخبزة شكلها دائري
نضعها ع الخاولي ونغطيها بقطعة قماش او خاولي  لتختمر لمدة ربع ساعة
عندما تختمر نبدا بعملية دك او رق العجينة بكفوف اصابعنا ونطمطها من الأطراف حتى أشكلها ع شكل صمونة ومن اشيلها اقلبها واضعها ع الخاولي مرة اخرى ..أو اذا تردين الشكل دائري ترقيها بمرق العجينة ع شكل دائري وهم من تشيليها تقلبينها وتضعيها ع الخاولي وتغطيها بالخاولي ونتركها ترتاح نصف ساعة حتى تختمر
نحضر صينية الخبز
نحمي الفرن ع اعلى درجة حرارة قبل بربع ساعة او اكثر قبل عملية الخبز ونضع الصينية به :
اذا جان الفرن يشتغل من الاعلى والاسفل سوية نضع الصينية ع الشبك الاوسط ونخليها بي حتى تسخن
اذا جان الفرن يشتغل من الاعلى فقط بدون الاسفل او العكس نشعل النار من الأعلى ونضع الصينية ع ثاني درجة من الأعلى حتى تسخن
ندهن وجه العجينة بخليط الطحين ونرش سمسم وحبة البركة حسب الرغبة
عندما تختمر قطع العجينة نقلبها ونضعها في الصينية (ضعي حبتين الى ثلاث حتى تتوزع الحرارة ع جميع انحاء العجين وتنتفخ واني افضل حبتين .. وهذا يعنمد ع فرنج ومن تستوي وتنفخ وتحمر اقلبيها للوجه الثاني حتى تاخذ لون وتحمر تاخذ عملية الخبز بالفرن من 6-8 دقائق او اقل حسب الفرن
ومباشرة من تطلع من الفرن ادهنها بالزبدة من الوجهين واغطيها بخاولي والف عافية  ...تاكلينه ويا البيض تحشين بي فلافل تسوين بي شاورما اللي تريدينه .