وصفة سمك مشوي وسمك مقلي
Mariam Ramadan
:بواسطة
:بواسطة
"الذ اكلة سمك محشية بالبقدونس والشطة"
| وقت الطهي: | نص ساعة |
| مدة التحضير: | ساعة |
| تكفي : | ٦ اشخاص |
هذا إعلان
هذا إعلان
(المقادير) المكونات
- سمكة كبيرا اسمها الحمرا
- كيلو سمك فيليه
- ليمون ،طحينية، ملح
- بقدونس ٣ حزم
- فلفل اخضر
- توم
- حبتين بطاطا للقلي
طريقة التحضير
- عملت سمكة حمرا شوي بالفرن وعملت فيليه قلي وعملت فخارة سمك بطحينية بالفرن واليكم الطريقة
- اول شي بغسل السمك منيح وبحطه بجاط او صينية وبعصر عليه ليمون وبرش ملح وكمون وبهارات السمك وبتركه ساعتين مش اكثر عشان ما يفقد قيمته الغذائية
- نيجي للسمك المشوي بالحشوة
- غسلت البقدونس بعد ما لقطته من الاعشاب ونقعته بمي وخل عشر دقايق وصفيته وفرمته .اضفتله الثوم المهروس والشطة الحارة وزيت زيتون وملح . انا ما بحط بندورة مع السمك .
- حشيت السمكة بالحشوة ورشرشتها زيت زيتون ،،قشرت حبة بطاطا وقطعتها دوائر رفيعة وحطيتها مع السمكة وحطيتها بالفرن بالرف الوسط
- سمك الفليه قليته بعد النقع لفيته بالطحين طبعا وقليته .اخذت قسم منه وحطيته بالفخارة عصرت ليمون وخلطته بالطحينة واضفتله ملح وتوم وحطيته فوق السمك بالفخارة وحطيته بالفرن بالرف الاوسط لحتى تسبكت الطحينية وحمرتها
- قليت بطاطا
- عملت بقدونسية اللي هي بقدونس مفروم وتوم وفلفل وليمون وطحينة ورشة ملح
- وعملت تارتور اللي هو تتبيلة فلفل وتوم مع طحينة وليمون ورشة ملح وصحة وعوافي
- انعجقت عجقة بالمطبخ الها اول مالها اخر .بس الحمد لله خلال ساعة كنت جالية الجليات ومنضفه الغاز وشاطفة المطبخ والدار كلها ورجع ولا كاني عملت سمك فيه 😀😀#سمك مشوي ومقلي ..ام نضال