وصفة بروستد الدجاج

:بواسطة

البلد :الكويت

"الدجاج المقلي باشكاله المتنوعة (البروستد والتشكن ناجت والزنجر) من الوجبات السريعة اللي بحبها الاطفال ولحتى نحمي اطفالنا ونخافظ على صحتهم يفضل صنعهم بالبيت بمكونات صحية ومتوفرة بمطبخنا ومن غير اي تكلفة اضافية"

وقت الطهي:	10 دقايق
مدة التحضير:	2 ساعتين
تكفي :	4 اشخاص

هذا إعلان

هذا إعلان

(المقادير) المكونات

2 صدر دجاج مسحب (مقطع بالطول)
1 بيضة
4 معالق كبيرة لبن
1/2 كوب حليب سائل
باكنغ باودر
نشا
طحين
ملح
فلفل اسمر
بابريكا
بودرة توم
بصل
زنجبيل
4 معالق كبيرة خل
بهارات مشكلة للدجاج
كركم

طريقة التحضير

يتم تنضيف الدجاج وتقطيعه بشكل طولي حتى يكون جاهز للنقع.
خلطة النقع:
- بنخفق البيضة مع اللبن وبنضيف الخل وملح (حسب الرغبة) والحليب وبودرة التوم والبصل و معلقتين كبيرة باكنغ باودر و ٣ معالق كبيرة نشا و نص كوب طحين
- قوام الخليط لازم يكون تقريبا زي قوام خليط الكيك (انا ما بعير, حسب النظر بحط)
- ملاحظة: ازا حسيناه شوي تقيل بنخففه باضافة حليب سائل وازا كان مرق او خفيف بنضيف طحين.
بنضيف الدجاج عالخليط وبنتركه على الافضل من 4 ساعات ل ليلة كاملة (كل ما زادت مدة النقع بكون اطيب).
خلطة التغليف:
1. بصحن كبير بنحط كاسة ونص طحين و 4 معالق كبيرة نشا و معلقتين كبار باكنغ باودر و ملح وفلفل و كركم و بهار الدجاج وبودرة توم وبصل وزنجبيل(جميع البهارات المذكورة في المقادير)
2. بخلطهم منيح وبعدين بغلف الدجاج فيهم وبصفهم على صينية عليها ورق زبدة
3. بس اخلص الكمية كاملة بحطهم بالتلاجة لوقت القلي.
عند القلي:
1. الزيت لازم يكون غزير وساخن منيح
2. بنضيف قطع الدجاج اول شي على نار عالية لمدة 1 دقيقة وبعدين بوطي على نار هادية وبياخد وقت من 5-7 دقايق طبعا مع استمرارية التقليب حتى تاخد لون دهبي حلو