وصفة كيكة العسل الروسية Medovik Torte

   
اول شي بتحطي البيض مع ال ١٢٠غم السكر وعالنار بس ليدفى البيض ويدوب السكر ما بدنا البيض يستوي وبنشيلو عن النار وكل شويبنحرك عشان يبرد.
عالنار بنحط ال١٠٠ غم السكر بطنجرة وبنكرمله وبس يتكرمل كله وتبلش تطلع زي رغوة بنضيف عليه الزبدة وبنضل نحرك وبس تقرب تدوب كل كمية الزبدة بنضيف العسل وبنحرك واخر شي بس يتجانسو بنضيف كربونات الصوديوم طبعا مع التحريك المستمر وبنشيله عن النار بنحط الطنجر بمي باردة لحتى يبرد الخليط طبعا مع استمرار التحريك.
وبعدين بنضيف خليط البيض والسكر وبنضل نحرك مزبوط وبس يتجانسو الخليطين مع بعض بنضيف الطحين وبنحرك بالمعلقه وبيتكون عناقوام عجينة لينة وبتدبق اتقل من قوام الكيك بشوي.
هلا بدنا نبرد العجينة لحتى نقدر نفردها وبنحطها على ورق زبدة مرشوش طحين وفوقه كمان ورق زبدة وبالتلاجة تقريبا من ساعه لساعة ونص تقريبا حتى تصير سهلة التشكيل وما بتلزق.
بس نطلعها من التلاجة بتقطعها ٤ قطع كل قطعه وزنها ٢٥٠غم و بنبلش بفرد كل قطعه على ورق الزبدة بالشوبك حسب حجم القالب اللي عندك وبنخبزها تقريبا لمدة ٦ دقايق على نار ١٧٠ درجة وبس نخبز كل الطبقات بنتركهم يبردو.
عبين ما يبردو بنكون جهزنا الحشوة بنخفق مكونات الحشوة لحتى تصير زي قوام الكريمه ( انا ضفت زيادة برش ليمون وعصرة ربع ليمونة و ٣ حبات كيري)
وبعدين بنبلش نحط طبقة كيك وطبقة حشوة لنخلص كل الطبقات واخر شي بنكون تاركين شوي فتافيت كيك على جنب للتزيين وبنتركها بالتلاجة لتاني يوم.